مرکزی صفحہ اردو غزلیاتایک دریا ہے مری آنکھ کی دیوار کے ساتھ
اردو غزلیاتسعد اللہ شاہشعر و شاعری

ایک دریا ہے مری آنکھ کی دیوار کے ساتھ

ایک اردو غزل از سعد اللہ شاہ

از داشہ خان
از داشہ خان 0 تبصرے 659 مناظر

ایک دریا ہے مری آنکھ کی دیوار کے ساتھ
روز ملتا ہے مجھے وحشت و یلغار کے ساتھ

ہم کو رُکنا ہے کئی بار اُدھر دیکھنے کو
کیسے چل پائے کوئی وقت کی رفتار کے ساتھ

کوئی نقطے سے لگاتا چلا جاتا ہے فقط
دائرے کھینچتا جاتا ہوں میں پرکار کے ساتھ

یاد آتی ہیں کبھی بھولی ہوئی باتیں بھی
ایک اقرار کسی کا کسی انکار کے ساتھ

رنگ و رامش ہی پہ موقوف نہیں ہے سب کچھ
ہم کو رکھو نہ اسیرِ لب و رخسار کے ساتھ

کس کو معلوم، یہی روگ بنے گا اک دن
کتنے خوش باش ہیں کچھ لوگ غمِ یار کے ساتھ

صرف اور صرف محبت کا بیاں ایسا ہے
لطف کچھ اور بھی دیتا ہے جو تکرار کے ساتھ

سعدؔ وہ عام سا اک شخص ہے اور کچھ بھی نہیں
تم تو بس مارے گئے عشق کے اظہار کے ساتھ

سعد اللہ شاہ

آپ کو یہ پسند ہو سکتا ہے۔

متعلقہ پوسٹس

یاں اپنی آنکھیں پھر گئیں پر وہ نہ آ پھرا

دل بیتاب آفت ہے بلا ہے

وہ روشنی ہے سو اس کا حوالہ ایک نہیں

دل میں یوں بے خودی تمھاری ہے

پُرخطر وادی سے میرا راستہ رکھا گیا

نگاہوں سے ترے دل میں

کچھ تو ڈوبے دل کو ابھارو

صبح کا گیت گا رہی ہوں میں

شاید مجھے کسی سے محبت

ناحق ہم مجبوروں پر یہ تہمت ہے مختاری کی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔