مرکزی صفحہ اردو غزلیاتکیا سروکار ہمیں رونقِ بازار کے ساتھ
اردو غزلیاتسعد اللہ شاہشعر و شاعری

کیا سروکار ہمیں رونقِ بازار کے ساتھ

ایک اردو غزل از سعد اللہ شاہ

از داشہ خان
از داشہ خان 0 تبصرے 745 مناظر

کیا سروکار ہمیں رونقِ بازار کے ساتھ
ہم الگ بیٹھے ہیں دستِ ہنر آثار کے ساتھ

چشمِ نمناک لیے، سینۂ صد چاک سیئے
دُور تک ہم بھی گئے اپنے خریدار کے ساتھ

ایک احساسِ وفا کی طرح بے قیمت ہیں
ہم کو پرکھے نہ کوئی دِرہم و دینار کے ساتھ

رنجشِ کارِ زیاں، دربدری، تنہائی
اور دنیا بھی خفا تیرے گنہگار کے ساتھ

سینۂ سنگ پہ گل رنگ بہار اُتری ہے
کس نے دیکھا تھا ہمیں ایسے کبھی پیار کے ساتھ

کاوشِ کوہکنی رسمِ محبت ٹھہری
تیشہ زن آج بھی فرہاد ہے کہسار کے ساتھ

سعدؔ رسوائے زمانہ ہے مگر تیرا ہے
یوں نہیں ہوتے خفا اپنے گرفتار کے ساتھ

سعد اللہ شاہ

آپ کو یہ پسند ہو سکتا ہے۔

متعلقہ پوسٹس

میں نہیں تو کیا؟

خود داریوں کے خون کو ارزاں نہ کر سکے

دل میرا سوزِنہاں سے بے محابا

ہم سے کیوں الجھا کرے ہے آ سمجھ اے ناسمجھ

آنکھ سے غم نہاں نہیں ہوتے

یہ ہجر و وصال ہیں تمھارے

زندگی اے زندگی

ہاتھوں میں کشکول اُٹھا کر رقص کیا

ہوئی ہیں گویا گلاب آنکھیں

کبھی فراق کبھی لذت وصال میں رکھ

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔