مرکزی صفحہ اردو غزلیاتختم ہر اچھا بُرا ہو جائے گا
اردو غزلیاتانور شعورشعر و شاعری

ختم ہر اچھا بُرا ہو جائے گا

انور شعورکی ایک اردو غزل

از سائیٹ ایڈمن
از سائیٹ ایڈمن 0 تبصرے 531 مناظر

ختم ہر اچھا بُرا ہو جائے گا
ایک دن سب کچھ فنا ہوجائے گا

کیا پتہ تھا، دیکھنا اُس کی طرف
حادثہ اتنا بڑا ہو جائے گا

مدّتو ں سے بند دروازہ کوئی
دستکیں دینے سے وا ہو جائے گا

ہے ابھی تک اُس کے آنے کا یقیں
جیسے کوئی معجزہ ہو جائے گا

مُسکرا کر دیکھ لیتے ہو مجھے
اِ س طرح کیا حق ادا ہوجائے گا؟

کاش ہو جاؤ مرے ہمراہ تم
ورنہ کوئی دوسرا ہو جائے گا

کل کا وعدہ، اور اِس بحران میں؟
جانے کل دنیا میں کیا ہو جائے گا

"رنگ لائے گا شہیدوں کا لہو”
ظلم جب حد سے سوا ہو جائے گا

آپ کا کچھ بھی نہ جائے گا شعورؔ
ہم غریبوں کا بھلا ہو جائے گا

آپ کو یہ پسند ہو سکتا ہے۔

متعلقہ پوسٹس

گھر مِرا تھا، نہ وہاں کوئی گلی میری تھی

پیاری بیٹی حوریہ ایمان کے نام

بقاء کا المیہ

ملے تھے دشت کئی قہقہہ لگاتے ہوئے

یہ جو دیوانے سے دو چار نظر آتے ہیں

جس سورج کی آس لگی ہے

آہی گیا وہ مجھ کو

کسی کے واسطے اس طرح

اشعار

نظروں کی گفتگو کہیں تحریر تو نہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔