مرکزی صفحہ اسلامی گوشہتعریف اس خدا کی جس نے جہاں بنایا
اسلامی گوشہاسماعیلؔ میرٹھیحمد و ثناشعر و شاعری

تعریف اس خدا کی جس نے جہاں بنایا

حمد باری تعالٰی از اسماعیلؔ میرٹھی

از سائیٹ ایڈمن
از سائیٹ ایڈمن 0 تبصرے 2K مناظر

تعریف اس خدا کی جس نے جہاں بنایا

کیسی زمیں بنائی کیا آسماں بنایا

پاؤں تلے بچھایا کیا خوب فرش خاکی

اور سر پہ لاجوردی اک سائباں بنایا

مٹی سے بیل بوٹے کیا خوش نما اگائے

پہنا کے سبز خلعت ان کو جواں بنایا

خوش رنگ اور خوشبو گل پھول ہیں کھلائے

اس خاک کے کھنڈر کو کیا گلستاں بنایا

میوے لگائے کیا کیا خوش ذائقہ رسیلے

چکھنے سے جن کے مجھ کو شیریں دہاں بنایا

سورج بنا کے تو نے رونق جہاں کو بخشی

رہنے کو یہ ہمارے اچھا مکاں بنایا

پیاسی زمیں کے منہ میں مینہ کا چوایا پانی

اور بادلوں کو تو نے مینہ کا نشاں بنایا

یہ پیاری پیاری چڑیاں پھرتی ہیں جو چہکتی

قدرت نے تیری ان کو تسبیح خواں بنایا

تنکے اٹھا اٹھا کر لائیں کہاں کہاں سے

کس خوبصورتی سے پھر آشیاں بنایا

اونچی اڑیں ہوا میں بچوں کو پر نہ بھولیں

ان بے پروں کا ان کو روزی رساں بنایا

کیا دودھ دینے والی گائیں بنائیں تو نے

چڑھنے کو میرے گھوڑا کیا خوش عناں بنایا

رحمت سے تیری کیا کیا ہیں نعمتیں میسر

ان نعمتوں کا مجھ کو ہے قدرداں بنایا

آب رواں کے اندر مچھلی بنائی تو نے

مچھلی کے تیرنے کو آب رواں بنایا

ہر چیز سے ہے تیری کاری گری ٹپکتی

یہ کارخانہ تو نے کب رائیگاں بنایا

اسماعیلؔ میرٹھی

آپ کو یہ پسند ہو سکتا ہے۔

متعلقہ پوسٹس

کیسی بھلا یہ برہمی کیسا یہ پیچ و تاب ہے

مرا باطن مجھے ہر پل نئی دنیا دکھاتا ہے

نہیں ہے وَجہ ضروری کہ جب ہو تب مر جائیں

سن تو سہی

فاصلے ایسے بھی ہوں گے یہ کبھی سوچا نہ تھا

آنکھوں کا تھا قصور نہ دل کا قصور تھا

اک بات ضروری کرنی ہے

ہماری سانسوں میں آج تک وہ

پھرے دشت دشت شاید در و بام کی اُداسی

عسکری دائرہ

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔