مرکزی صفحہ اردو غزلیاتاگرچہ ہم جا رہے ہیں محفل سے نالۂ دلفگار بن کر
اردو غزلیاتساغر صدیقیشعر و شاعری

اگرچہ ہم جا رہے ہیں محفل سے نالۂ دلفگار بن کر

ایک اردو غزل از ساغر صدیقی

از روبی جہاں
از روبی جہاں 0 تبصرے 1.1K مناظر

اگرچہ ہم جا رہے ہیں محفل سے نالۂ دلفگار بن کر

مگر یقیں ہے کہ لوٹ آئیں گے نغمۂ نوبہار بن کر

یہ کیا قیامت ہے باغبانو کہ جن کی خاطر بہار آئی

وہی شگوفے کھٹک رہے ہیں تمہاری آنکھوں میں خار بن کر

جہاں والے ہمارے گیتوں سے جائزہ لیں گے سسکیوں کا

جہان میں پھیل جائیں گے ہم بشر بشر کی پکار بن کر

بہار کی بدنصیب راتیں بلا رہی ہیں چلے بھی آؤ

کسی ستارے کا روپ لے کر کسی کے دل کا قرار بن کر

تلاش منزل کے مرحلوں میں یہ حادثہ اک عجیب دیکھا

فریب راہوں میں بیٹھ جاتا ہے صورت اعتبار بن کر

غرور مستی نے مار ڈالا وگرنہ ہم لوگ جی ہی لیتے

کسی کی آنکھوں کا نور ہو کر کسی کے دل کا قرار بن کر

دیارِ پیر مغاں میں آ کر یہ اک حقیقت کھلی ہے ساغر

خدا کی بستی میں رہنے والے تو لوٹ لیتے ہیں یار بن کر

ساغر صدیقی

آپ کو یہ پسند ہو سکتا ہے۔

متعلقہ پوسٹس

رات بھر سبز مزارات نظر آتے رہے

اب اسیری سے بچیں تو دیکھیں گے گلشن کبھو

شاید درِ یقین پہ رسائی کا وقت ہے

خواب تھا خواب کی پرچھائی مرے ساتھ رہی

نائٹ میئر

کبابِ سیخ ہیں ہم کروٹیں ہر

نئی زمین نیا آسماں بنانا ہے

دل کو کر دیتا ہے تسخیر

شیشۂِ دل پر اتر جانا کسی تصویر کا

زخم ایسا ہے دکھانے سے ہوا لگ جائے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔