مرکزی صفحہ اردو غزلیاتراہ چلتے ہوئے راہی کا گلہ کون کرے
اردو غزلیاتسعید خانشعر و شاعری

راہ چلتے ہوئے راہی کا گلہ کون کرے

از سدرۃ المنتہیٰ
از سدرۃ المنتہیٰ 0 تبصرے 66 مناظر

راہ چلتے ہوئے راہی کا گلہ کون کرے
دل کی بے صرفہ تباہی کا گلہ کون کرے

داغ اس دل کی ضرورت بھی ہیں سرمایہ بھی
پھر مقدر کی سیاہی کا گلہ کون کرے

سخت منزل ہو تو سائے بھی بچھڑ جاتے ہیں
تجھ سے بے ربط نگاہی کا گلہ کون کرے

شہر کیا ہے کوئی الزام سرا ہے جیسے
اپنی ناکردہ گناہی کا گلہ کون کرے

آنکھ آئینے سے کترا کے گزرتی ہے یہاں
وقت کی کور نگاہی کا گلہ کون کرے

درد اشعار میں خود عکس کشی کرتا ہے
چشمِ بے بس کی گواہی کا گلہ کون کرے

ہم بھی اس غفلت خود سوز میں شامل ہیں سعید
اب یہاں چور سپاہی کا گلہ کون کرے

سعید خان

آپ کو یہ پسند ہو سکتا ہے۔

متعلقہ پوسٹس

بے خیالی میں یوں ہی بس اک ارادہ کر لیا

یہ کوئی داستاں نہیں

یا رب نگاہ بد سے چمن کو بچائیو

نہال حسن بہت کم سمے کا ساتھی تھا

دھیان میں وا دریچہء چشمِ کرم کیے ہوئے​

زندگی دل کا سکوں چاہتی ہے

ﺍﺷﮏِ ﺭﻭﺍﮞ ﮐﯽ ﻧﮩﺮ ﮨﮯ

ستم سے گو یہ ترے کشتۂ وفا نہ رہا

وہ دیکھتا ہے مجھ کو مگر بے حیا نہیں

دلِ برباد کی حالت، زمانے کو بتاتے کیا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔