مرکزی صفحہ اردو غزلیاتنیام ہونا بھی تلوار بن کے رہنا بھی
اردو غزلیاتسرفراز آرششعر و شاعری

نیام ہونا بھی تلوار بن کے رہنا بھی

سرفراز آرش کی ایک غزل

از سائیٹ ایڈمن
از سائیٹ ایڈمن 0 تبصرے 772 مناظر

نیام ہونا بھی تلوار بن کے رہنا بھی
بہت کٹھن ہے سمجھدار بن کے رہنا بھی

کسی کے ساتھ کسی کے سفر پہ چل پڑنا
عجب نشہ ہے مددگار بن کے رہنا بھی

دیا بجھا تو کہیں سب ہنر کھلا مجھ پر
کلام کرنا بھی دیوار بن کے رہنا بھی

سب ایک دوجے کی خوشیوں میں ڈھونڈتے ہیں خوشی
عجیب دکھ ہے پریوار بن کے رہنا بھی

یہ عشق دوہری اذیت ہے اس طرح جیسے
سڑک پہ ہونا بھی بازار بن کے رہنا بھی

ہمارے بیچ جو ہے وہ کسی کو علم نہ ہو
تم ابتداء میں مرے یار بن کے رہنا بھی

گھڑی کی سوئیوں سے ارتقاء بھی جان لیا
روایتوں کا روادار بن کے رہنا بھی

مجھے خدا کے دلائل نہ دے میں جانتا ہوں
کہانی لکھنا بھی کردار بن کے رہنا بھی

کسی کی عام سی باتوں میں ڈوبنا آرش
کسی کے سامنے تہہ دار بن کے رہنا بھی

سرفراز آرش

آپ کو یہ پسند ہو سکتا ہے۔

متعلقہ پوسٹس

بہت ہی سرد ہے موسم

زندگی تو کبھی ہی مسکراتی ہے یارو

محو حیرت ہوں کہ

نیندوں کو جب خواب میں جوتا جاتا تھا

نام اُ س نے لیے دُعا میں کہیں

یہ سچ ہے میں نے

کوئی اگر مر جائے تو

پاوں سنبھلے ہیں تو گل پوش بھی یاد آتا ہے

نگاہیں خود پہ رکھتے ہو

یوں تو میخانے میں مے کم ہے نہ پانی کم...

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔