نعتِ رسولِ مقبول ﷺ

سوزِ دل شوقِ نظر نورِ قلم آپ سے ہے
جو بھی احساس ہے دل میں وہ کرم آپ سے ہے

بادِ رحمت ہو، نظر ہو کہ عنایت کی گھڑی
جو بھی پایا ہے مسلسل بہ کرم، آپ سے ہے

جب قلم چلتا ہے مدحت کی روایت لے کر
جو روانی ہے، وہ سب کیف و الم، آپ سے ہے

سوچ میں، لفظ میں، آواز میں نسبت کی جھلک
جو بھی معنٰی ہیں مرے، حرف بہم، آپ سے ہے

دل کے کاغذ پہ اترتی ہے ثنائے مرسل
اور جو چمکا مرے لفظوں میں حرم، آپ سے ہے

ثوبیہ نعت پروتی ہے عقیدت سے سدا
ذوقِ عرفان و سخن سوز و قلم، آپ سے ہے

ثوبیہ راجپوت