مرکزی صفحہ آپ کا سلامکسی دن کام آ جائے گی استادی ہماری
آپ کا سلاماردو غزلیاتشعر و شاعریلطیف ساجد

کسی دن کام آ جائے گی استادی ہماری

از لطیف ساجد
از لطیف ساجد 0 تبصرے 50 مناظر

کسی دن کام آ جائے گی استادی ہماری
ہمارے نام ہو جائے گی شہزادی ہماری

ہماری گوتمی زنبیل سے دنیا اٹھاؤ
محبت دیکھنے آئی ہے بربادی ہماری

پہاڑی لڑکیاں ہیں ایک دن پوچھے بنا ہی
کسی انجان سے ہو جائے گی شادی ہماری

ہمارے ہاتھ کے پالے ہوئے لشکر ہمارے
ہمیں سے چھیننے آئے ہیں آزادی ہماری

اُسے گا کر سنایا رام اور سیتا کا قصہ
بالآخر دیوداسی ہو گئی عادی ہماری

مسلسل کٹ رہی ہے بٹ رہی ہے گھٹ رہی ہے
درندوں میں گِھری جنت نما وادی ہماری

یہاں سے دور جائیں اور اندازہ لگائیں
کہاں تک زندگی ہے غیر میعادی ہماری

پکڑ کر انگلیاں ساجد ہمیں چلنا سکھایا
سدا رحمت کے سائے میں رہے دادی ہماری

لطیف ساجد

آپ کو یہ پسند ہو سکتا ہے۔

متعلقہ پوسٹس

جیسے پانی کی روانی کو بھنور کاٹتے ہیں

ہوا نہیں کہ جسے دیکھ ہی نہ پاؤں گا

ایران امریکہ جنگ بندی کے مصالحتی مطالبات

کیسی بھلا یہ برہمی کیسا یہ پیچ و تاب ہے

فن ایسا ہو کہ کوزے میں

کبھی موسم ساتھ نہیں دیتے

فلک سے نکلا ہوں شجرے میں لکھ دیا جائے

روز ابھرتے ہیں، روز ڈوبتے ہیں

خواب سہانے بیچ رہی ہوں

لگی ڈھلنے ہے پھر سے شام ساقی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔