مرکزی صفحہ آپکا اردو باباسسکتے روتے ہزاروں کو پیچھے چھوڑ گئی
آپکا اردو بابااردو غزلیاتشعر و شاعریصابر رضوی

سسکتے روتے ہزاروں کو پیچھے چھوڑ گئی

از صابر رضوی
از صابر رضوی 0 تبصرے 31 مناظر

سسکتے روتے ہزاروں کو پیچھے چھوڑ گئی
وہ کیا ہوا تھی جو خاروں کو پیچھے چھوڑ گئی

مرے چراغ سے پہنچی ہے آسمانوں تک
وہ روشنی جو ستاروں کو پیچھے چھوڑ گئی

ہمارا عشق درختوں پہ منکشف ہوا ہے
ہماری آگ چناروں کو پیچھے چھوڑ گئی

اسے بھی شوق چرایا تھا بے حجابی کا
مری نظر بھی نظاروں کو پیچھے چھوڑ گئی

پڑی ہوئی تھی جو مسجد کی سیڑھیوں کے قریب
وہ زندہ نعش مزاروں کو پیچھے چھوڑ گئی

اٹھا کے لائے تھے جو پانچویں کو شانوں پر
حیات پھر انھی چاروں کو پیچھے چھوڑ گئی

وصالِ یار کی اک خواہشِ حریصانہ
ہزار شکر گزاروں کو پیچھے چھوڑ گئی

وہ اک لکیر جو کندہ تھی میرے ماتھے پر
نہ جانے کتنے شماروں کو پیچھے چھوڑ گئی

چمن اسی کے فسانوں سے ہو رہا ہے زرد
وہ غنچگی جو بہاروں کو پیچھے چھوڑ گئی

ہوائے دشت میں چرچہ ہے ایک ناقہ کا
جو سارے شتر سواروں کو پیچھے چھوڑ گئی

علی صابر رضوی

آپ کو یہ پسند ہو سکتا ہے۔

متعلقہ پوسٹس

اور ہم تمہیں لازماً آزمائیں گے

حصار دید میں روئیدگی معلوم ہوتی ہے

کسی چراغ کی لَو کی طرح بکھر گیا میں

کامیاب خارجہ پالیسی

ان کو دل کا مدعا سمجھائیں کیا

تجھ سے یوں دوستی نبھاٶں گی

کم ترے ضبط کی قیمت نہیں کرنے والے

یوں خبر کسے تھی میری تری مخبری سے پہلے

آنکھوں سے اپنی آصفؔ تو احتراز کرنا

بتا کہ راہِ وفا میں کوئی سوار دیکھا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔