مرکزی صفحہ آپ کا سلاممیں اپنی وفاؤں کا بھرم لے کے چلی ہوں
آپ کا سلاماردو غزلیاتارم زہراشعر و شاعری

میں اپنی وفاؤں کا بھرم لے کے چلی ہوں

از ارم زہرا
از ارم زہرا 0 تبصرے 82 مناظر

میں اپنی وفاؤں کا بھرم لے کے چلی ہوں
ہاتھوں میں محبت کا علم لے کے چلی ہوں

چلنے ہی نہیں دیتی تھی اک وعدے کی زنجیر
مشکل تھا مگر بار ستم لے کے چلی ہوں

کیا پوچھتے ہو مجھ سے مرے زاد سفر کا
اسباب میں بس یاد صنم لے کے چلی ہوں

جس شہر کے ہر موڑ پہ کانٹے ہی بچھے ہیں
اس شہر میں بھی زخمی قدم لے کے چلی ہوں

کوئی بھی سفر میں نے ادھورا نہیں چھوڑا
چلنا ہے تو منزل کی قسم لے کے چلی ہوں

مجھ کو ہے یقیں حرف کی حرمت پہ ہمیشہ
تنہا تھی مگر اپنا قلم لے کے چلی ہوں

خوش بخت ہے وہ جس کے مقدر میں ارمؔ ہے
میں ساتھ میں اک باغ ارم لے کے چلی ہوں

ارم زہرا

آپ کو یہ پسند ہو سکتا ہے۔

متعلقہ پوسٹس

نادم ہیں اپنی بُھول پہ ہم ، بُھول جائیے

موسموں کو ہرا کرو صاحب

حد درجہ تیرا معاملہ

جوترے هجرکے غم هوتے هیں

دل نے اظہار غم پہ اکسایا

ہر آہ پر نظر ہے غمِ صبح و شام کی

اپنی صدا سے اپنی شناسائی کھو گئی

یہیں گرد و نواح میں گونجتی ہے

اپنے پہلو سے وہ غیروں کو اٹھا ہی نہ سکے

ہر اک منظر بھگونا چاہتی ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔