مرکزی صفحہ آپکا اردو باباجب اشک سرِ چشمِ گنہگار کھلے گا
آپکا اردو باباصابر رضوینعتیہ کلام ﷺ

جب اشک سرِ چشمِ گنہگار کھلے گا

ایک اردو نعتﷺ از صابر رضوی

از سائیٹ ایڈمن
از سائیٹ ایڈمن 0 تبصرے 737 مناظر

جب اشک سرِ چشمِ گنہگار کھلے گا
بخشش کو درِ سیدِ ابرار کھلے گا

قرآن کو مدحت کے تناظر میں تو پڑھیے
ہر لفظ میں گنجینئہ اسرار کھلے گا

اندھوں کو بھلا نور کی تفہیم ہو کیونکر
مٹی پہ کہاں عرش کا معیار کھلے گا

اک نعت بھی نکلے گی مری فردِ عمل سے
محشر میں اگر کارِ سیہ کار کھلے گا

قوسین سے او ادنیٰ پہ جا پہنچیں گے آقا
او ادنیٰ کی منزل پہ پہنچ جائیں گے مہماں
جبریل پہ جب عقدہء رفتار کھلے گا

دربارِ رسالت ہے خطا کاروں کی خاطر
سو بار بھی آئیں گے تو سو بار کھلے گا

توحید کے نعرے سے تو کھل جائیں گے دشمن
پر نعرہء سرکار سے غدار کھلے گا

صابر رضوی

آپ کو یہ پسند ہو سکتا ہے۔

متعلقہ پوسٹس

جب تک مرے الفاظ کی ترسیل نہ ہوگی

شاکرہ نندنی

غم سنائیں تو ہوش کھو بیٹھیں

تم سے ملنا دوبارہ ہوگا نہیں

جانبِ مغرب وہ چمکا آفتاب

مل رہے ہو صف – دشمن میں

جب اک ستارا گرا اور جل گیا مجھ میں

روشنی کی سفارت ”آبجوئے نور”

بھتیجی کی ضد

مرا سخن سخنِ شاہکار ہو جائے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔