مرکزی صفحہ اردو غزلیاتایک تتلی کے پر مارنے سے
اردو غزلیاتشاہد ماکلیشعر و شاعری

ایک تتلی کے پر مارنے سے

از شاہد ماکلی
از شاہد ماکلی 0 تبصرے 65 مناظر

ایک تتلی کے پر مارنے سے ہواؤں کی لہروں میں طوفان پیدا ہوا
کیسے چھوٹے وقوعے سے کتنے بڑے اک وقوعے کا امکان پیدا ہوا

شر پسندی کا شعلہ دلوں تک جو پہنچا تو جل کر شبیہیں فنا ہو گئیں
نذر آتش ہوئیں آئنوں کی دکانیں تو حیرت کا بحران پیدا ہوا

اول اول یہ کردار مذکور تھا زندگی کی پرانی اساطیر میں
آخر آخر ذہانت کی پیوند کاری سے مصنوعی انسان پیدا ہوا

تجھ سے بچھڑا تو گزرا شرر کی طرح میں بھی پل بھر چمکنے کے احساس سے
اپنی موجودگی کا خیال اپنے معدوم ہونے کے دوران پیدا ہوا

دل میں غفلت کی لہروں کے ٹکراؤ سے تیری یادوں کی ترسیل رک جائے گی
یہ زمیں ڈوب جائے گی تاریکیوں میں اگر شمسی طوفان پیدا ہوا

ایک ہی روح فطرت کے اسرار میں کار فرما ہے اشیاء سے انفاس تک
جس کی صورت گری کو کہیں کوئی شاعر کہیں کیمیا دان پیدا ہوا

شاہد ماکلی

آپ کو یہ پسند ہو سکتا ہے۔

متعلقہ پوسٹس

بچھڑ جانا مگر کچھ اس ادا سے

ہمیں تو خواہش دنیا نے رسوا کر دیا ہے

ہر طرف ریت کا اجارا ہے

سن رائیگاں

نہ جانے کیا سے کیا مجھ کو

برا کیا مانیے اب چھیڑ سے یا اس کی گالی...

میں ہوں مشتاقِ جفا، مجھ پہ جفا اور سہی

دل نے اظہار غم پہ اکسایا

جس کی محنت اس کا حاصل

مری شکست ترا امتحاں نہ بن جائے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔