مرکزی صفحہ ادریس بابردھوم گم گشتہ خزانوں کی مچاتا پھرے کون
ادریس بابراردو غزلیاتشعر و شاعری

دھوم گم گشتہ خزانوں کی مچاتا پھرے کون

ایک اردو غزل از ادریس بابر

از سائیٹ ایڈمن
از سائیٹ ایڈمن 0 تبصرے 395 مناظر

دھوم گم گشتہ خزانوں کی مچاتا پھرے کون

ان زمانوں میں جو تھے ہی نہیں جاتا پھرے کون

باغ میں ان سے ملاقات کا امکان بھی ہے

صرف پھولوں کے لیے لوٹ کے آتا پھرے کون

سیکھ رکھے ہیں پرندوں نے سب اشجار کے گیت

آج کل موڈ ہی ایسا ہے کہ گاتا پھرے کون

میں تو کہتا ہوں یہیں غار میں رہ لو جب تک

وقت پوچھو ہی نہیں شہر بساتا پھرے کون

بھیس بدلے ہوئے اک شخص کی خاطر ہے یہ سب

ہم فقیروں کے بھلا ناز اٹھاتا پھرے کون

خواب یعنی یہ شب و روز جسے چاہیے ہوں

آ کے لے جائے اب آواز لگاتا پھرے کون

اختلافات سروں میں ہیں گھروں سے بڑھ کر

پھر اٹھانی جو ہے دیوار گراتا پھرے کون

ادریس بابر

آپ کو یہ پسند ہو سکتا ہے۔

متعلقہ پوسٹس

اب کہاں سانحہ نہیں ھوتا؟

فلک کے پار اڑانوں کی

رکھنا نہیں ہے اس کو

سریلی قمریاں حق سرہ گردان کرتی ہیں

دل دیا جی دیا خفا نہ کیا

شہرِ برباد میں

تنہا، سر انجمن کھڑی تھی

دھوپ گر نہ صحرا کے، راز کہہ گئی ہوتی

اس عشق میں گواہ نہ کوئی دلیل ہے

ظاہر تو ہے تو میں نہاں ہوں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔