کتیں چڑھی سویر نیں

کتیں چڑھی سویر نیں اکھاں کاہدیاں نیں
قدرت دی اے مہر نیں اکھاں کاہدیاں نیں

ایہناں دے وچ ڈب کے مرنا لازم اے
دو کھوہاں دا گھیر نیں اکھاں کاہدیاں نیں

ساہنواں نوں وی دندل پیندی ویکھے تے
گل گھوٹو جے بیر نیں اکھاں کاہدیاں نیں

ایتھوں پڑھ پڑھ کے تے شاعر بنیا واں
غزلاں دا اے ڈھیر نیں اکھاں کاہدیاں نیں

جثے دے اس چڑھدے جنگل وچ قلزم
دو آوارہ شیر نیں اکھاں کاہدیاں نیں

عدنان قلزم رانجھا