مردیاں ھوٸیاں سدھراں نوں

مردیاں ھوٸیاں سدھراں نوں میں جیوندا رکھیا بھائیا
سمجھ کےموہرہ چھڈیا سی جو اوہو کھادا بھائیا

اکھ نکھٹی سرمہ لبھن کوہِ طور تے جاوۓ
ہُن کوٸی موسی رب دی دید دی ضد نیں کردا بھائیا

کینے سیری مردے پے نے ایتھے پوکھ دے پاروں
ایویں پکیاں واھیاں اوتے میہ نیں وردا بھاٸیا

چاویں چُلہھ دے تھلے نوں کوٸی ایرنی کردا پُچھے
اگ نوں کُچھڑ چُکی پھردا آپ نہیں سڑدا بھائیا

اکڑیا اے بال میرا جے تیرے اگے شوہدا
ھون سکھالے لان توں ایہدے دو تِن دھردا بھائیا

کنکاں پُتاں ورگیاں اوتھے پھلیاں جتھے گڈِیے
مُنجیاں دِھیاں، تھاں بدل کے لانا پیندا بھائیا

عدنان قلزم رانجھا