مرکزی صفحہ آپکا اردو بابااسے میں بھول جاؤں گی
آپکا اردو بابااردو نظمشعر و شاعریگلناز کوثر

اسے میں بھول جاؤں گی

از سائیٹ ایڈمن
از سائیٹ ایڈمن 0 تبصرے 84 مناظر

کسی کی یاد کا چہرہ

مرے ویران گھر کی ادھ کھلی کھڑ کی سے

جو مجھ کو بلاتا ہے

سمے کی آنکھ سے ٹوٹا ہوا تارا

جو اکثر رات کی پلکوں کے پیچھے جھلملاتا ہے

اُسے میں بھول جاؤں گی

ملائم کاسنی لمحہ

کہیں بیتے زمانوں سے نکل کر مسکراتا ہے

کوئی بھولا ہوا نغمہ فضا میں چپکے چپکے پھیل جاتا ہے

بہت دن سے کسی امید کا سایہ

کٹھن راہوں میں میرے ساتھ آتا ہے

اسے میں بھول جاؤں گی

پرانی ڈائری کی شوخ تحریروں میں

جو اِک نام باقی ہے

کسی منظر کی خوشبو میں رچی

جو راحتِ گمنام باقی ہے

ادھورے نقش کی تکمیل کا

جتنا بھی ، جو بھی کام باقی ہے

یہ جتنے دید کے لمحے

یہ جتنی شام باقی ہے

اسے میں بھول جاؤں گی

کسی کی یاد کا چہرہ

اسے میں بھول جاؤں گی

اسے میں بھول جاؤں گی

میں اکثر سوچتی تو ہوں

مگر وہ یاد کا چہرہ

مگر وہ ادھ کھلی کھڑکی

گلناز کوثر

آپ کو یہ پسند ہو سکتا ہے۔

متعلقہ پوسٹس

نگاہوں سے ترے دل میں

دل کے نالوں سے جگر دکھنے لگ

کاغذی ہے پیرہن ہر پیکر تصویر کا

محبت کے سفر میں

حرف و بیاں میں اس لیے مہکارِ نعت ہے

صبح دم سارے پرندے یار کیوں خاموش ہیں

چشمِ بے خواب پہ خوابوں کا اثر لگتا ہے

اک عمر سے ہم تم آشنا ہیں

ٹماٹر اور ڈاکٹر ۔ مماثلت و مخاصمت

میرا پرچم فخر میرا، میری پہچان پاکستان

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔