مرکزی صفحہ آپکا اردو باباوہ جو ملتا ہے کچھ فائدہ دیکھ کر
آپکا اردو بابااردو غزلیاتشعر و شاعریولی اللہ ولی

وہ جو ملتا ہے کچھ فائدہ دیکھ کر

از ولی اللہ ولیؔ
از ولی اللہ ولیؔ 0 تبصرے 67 مناظر

وہ جو ملتا ہے کچھ فائدہ دیکھ کر
مجھ کو اپنا کہے بھی تو کیا دیکھ کر

بعد مرنے کے آنکھیں کھلی رہ گئیں
تاکہ آئے کوئی دَر کھلا دیکھ کر

رُخ سے پردہ ہٹا کر یہ اُس نے کہا
لوگ پاگل ہوئے جانے کیا دیکھ کر

تاکہ اُس کی فضیلت مسلم رہے
چاند چھُپتا ہے کالی گھٹا دیکھ کر

تجھ کو معلوم ہے اے مسیحا مرے
درد بڑھتا ہے اکثر دوا دیکھ کر

وہ جو رکھتے ہیں منزل پہ اپنی نظر
راہ چلتے نہیں فاصلہ دیکھ کر

ہے ستم کیا؟ ستم کی علامت ہے کیا؟
میں نے سمجھا ہے چہرہ ترا دیکھ کر

کیا گزرتی ہے آنکھوں پہ مت پوچھیے
اپنے خوابوں کو لٹتا ہوا دیکھ کر

آئینہ بن گئے ہیں یہ دیر و حرم
در پہ تیرے مِرا سر جھُکا دیکھ کر

دیکھ کر مجھ کو ہنستی ہے دنیا ولیؔ
جیسے پاگل ہنسے آئینہ دیکھ کر

ولی اللہ ولیؔ

آپ کو یہ پسند ہو سکتا ہے۔

متعلقہ پوسٹس

چلے ہیں ایک زمانے کے بعد دیوانے

لیا چیرہ دستی سے گر میر سر تک

کھُل گئی زمانے پر مجرمانہ خاموشی

منظر سے اُدھر خواب کی پسپائی سے آگے

نہ ہارا ہے عشق

اب تنگ ہوں بہت میں مت اور دشمنی کر

ہسپتال کے چوکھٹے اور قبرستان کی تصویریں

غیر جانبدار اسٹیبلشمنٹ؟

یارِ دیرینہ ہے پر روز ہے وہ یار نیا

دست بستوں کو اشارہ بھی تو ہو سکتا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔