مرکزی صفحہ آپکا اردو باباموسمِ ہجر کے آزار بڑھائے گریہ
آپکا اردو بابااردو غزلیاتشعر و شاعریمبشر سعید

موسمِ ہجر کے آزار بڑھائے گریہ

مبشر سعید کی ایک اردو غزل

از سائیٹ ایڈمن
از سائیٹ ایڈمن 0 تبصرے 356 مناظر

موسمِ ہجر کے آزار بڑھائے گریہ
آنکھ کو اشک نہیں خون بنائے گریہ

دم بدم نیر بہاتے ہوئے رقصال بنیں
ہجر والوں کو اگر وجد میں لائے گریہ

اشک آئیں مری آنکھوں کے چمن زاروں میں
اک نظر مجھ پہ کرم کی ہو خدائے گریہ

چھوڑ جاتے ہیں جہاں یار اکیلا کر کے
ایسی تنہائی میں بس ساتھ نبھائے گریہ

جانے کس موڑ پہ لایا ہے یہ جیون مجھ کو
چار اطراف سے آتی ہے صدائے گریہ

حالتِ حال کو اظہار کو صورت دینے
میری آنکھوں میں ہمیشہ اُتر آئے گریہ

ہر گھڑی دل زدگاں خود کو رلاتے ہیں سعید
جیسے آنکھوں کی سدا شان بڑھائے گریہ

عالمِ غیب سے ہوتی ہے ہمیشہ ہی سعید
دشتِ ہجراں کے مکینوں کو دعائے گریہ

مبشر سعید

آپ کو یہ پسند ہو سکتا ہے۔

متعلقہ پوسٹس

ہوائے دورِ مئے خوش گوار راہ میں ہے

سورج کے رخ پر آ جانا پڑتا ہے

یہ جنگ ہار نہ جائے سپاہ قید میں ہے

تمہارے عشق کی لو میں دھمال ڈالوں گا

ہم میں ہی تھی نہ کوئی بات

یہ فیضِ عام شیوہ کہاں تھا نسیم کا

استادنصرت فتح علی خان کے لیے

آ جائے کسی دِن، تُو ایسا بھی نہیں لگتا

میں سوکھا پیڑ اور اس کی ہری بھری باتیں

آپ اس جنس کے ہیں ہم بھی خریداروں میں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔