مرکزی صفحہ آپ کا سلامکیا مٹا دو گے نام پھولوں کا
آپ کا سلاماردو غزلیاترومانہ رومیشعر و شاعری

کیا مٹا دو گے نام پھولوں کا

از رومانہ رومی
از رومانہ رومی 0 تبصرے 83 مناظر

کیا مٹا دو گے نام پھولوں کا
نہ کرو قتل عام پھولوں کا

رنگ و بو نے بھی ساتھ چھوڑ دیا
رفتہ رفتہ تمام پھولوں کا

گلستاں کو فروغ ہوگا مگر
شرط ہے احترام پھولوں کا

اک نہ اک دن حساب لینا ہے
باغباں سے تمام پھولوں کا

موسم گل ہے یہ خزاں تو نہیں
کیوں ہے برہم نظام پھولوں کا

ایک دو کا معاملہ تو نہیں
مسئلہ ہے تمام پھولوں کا

بجلیاں لے رہی ہیں گن گن کر
غالباً انتقام پھولوں کا

خون ناحق ہے یہ ارے توبہ
صبح غنچوں کا شام پھولوں کا

یوں جو مرجھا گئے بغیر کھلے
غم ہے ایسے تمام پھولوں کا

ہے سبھی کی نگاہ میں رومیؔ
آج کرب تمام پھولوں کا

رومانہ رومی

آپ کو یہ پسند ہو سکتا ہے۔

متعلقہ پوسٹس

وہ دشمنِ جاں، جان سے پیارا بھی کبھی تھا

ہنسنے نہیں دیتا کبھی رونے نہیں دیتا

جو وفادار نہیں ہو سکتا

رقصِ طلب

راز دل جو تری محفل میں

بھلے لوگوں میں ہوں تو میں بھلی ہوں

کفر اور کافر کا مسئلہ

اب سنبھلنے کی مصیبت میں

ہمنشیں! پوچھ نہ مجھ سے کہ محبت کیا ہے

تخیّل

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔