مرکزی صفحہ آپ کا سلامدل نے جب بھی ترا خیال کیا
آپ کا سلاماردو غزلیاترومانہ رومیشعر و شاعری

دل نے جب بھی ترا خیال کیا

از رومانہ رومی
از رومانہ رومی 0 تبصرے 88 مناظر

دل نے جب بھی ترا خیال کیا
خود کو آئینۂ جمال کیا

دل کی دھڑکن میں بس گیا ایسے
سانس لینا مرا محال کیا

میں نے سچ بولنے کی جرأت کی
سچ سنا آپ نے کمال کیا

تیری یادیں مری محافظ ہیں
تیری یادوں کو میں نے ڈھال کیا

تیری چاہت کے لمحے لمحے کو
دل نے مانند ماہ و سال کیا

وقت نے کب اسے رکھا زندہ
کام جس نے جو بے مآل کیا

تیری قربت میں بیتے لمحوں نے
مجھ کو بھی صاحب جمال کیا

آئنے نے ترا قصیدہ کہا
آئنہ جب کبھی مثال کیا

ایک ہی تھا جواب حسن کے پاس
حسن سے جس نے بھی سوال کیا

زندگی کا ہے سانحہ رومیؔ
دل کی تنہائی نے نڈھال کیا

رومانہ رومی

آپ کو یہ پسند ہو سکتا ہے۔

متعلقہ پوسٹس

وہ قامتِ بلند نہیں در قبائے ناز

چمپا اُداس ہے کہیں بیلا اداس ہے

دیدنی اک جہان ہے، پر کیا

جس طرح سوچتا تھا میں

ہوا چلی تو بے کلی

نکلے چلے آتے ہیں تہ خاک سے کھانے

خار چن لے گا بہار ناز سے

میں ہر اک محفل میں اس امید پر بیٹھا رہوں

تمہارے ہونٹوں سے جس کا گلا نکلتا ہے

خُدا کو اور بھی کچھ کام کرنے ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔