مرکزی صفحہ آپکا اردو باباجیسے پانی کی روانی کو بھنور کاٹتے ہیں
آپکا اردو بابااردو غزلیاتسید عدیدشعر و شاعری

جیسے پانی کی روانی کو بھنور کاٹتے ہیں

ایک عمدہ غزل از سید عدید

از سائیٹ ایڈمن
از سائیٹ ایڈمن 0 تبصرے 645 مناظر

جیسے پانی کی روانی کو بھنور کاٹتے ہیں
ایسے کچھ لوگ مری راہ گزر کاٹتے ہیں

ایک تصویر بناتے ہیں زمیں پر پہلے
اور پھر بعد میں تصویر کا سر کاٹتے ہیں

پیار کا دیتے ہیں ہم اور محبت سے جواب
زہر کا زہر سے ہم لوگ – اثر کاٹتے ہیں

زرد راتوں میں کبھی غور کیا ہے تم نے
چاند کے نوحے شبِ غم کا جگر کاٹتے ہیں

ڈھل گئی عمر تو بچوں نے کہا ہے بابا !
لوگ ایندھن کےلیے سوکھے شجر کاٹتے ہیں

ہم کو پردیس میں یاد ان کی ستاتی ہے بہت
اور جب لوٹ کے آتے ہیں تو گھر کاٹتے ہیں

ہم جو چپ سادھ کے بیٹھے ہیں تری محفل میں
لفظ کی دھار سے قاتل کی نظر کاٹتے ہیں

دشتِ افلاس کی ان بانجھ زمینوں کی قسم
ہم شجر بوتے ہیں تو لوگ – ثمر کاٹتے ہیں

تم عدید اپنے دکھوں کے نہ سناو قصے
درد کی فصل تو ہم شام و سحر کاٹتے ہیں

سید عدید

آپ کو یہ پسند ہو سکتا ہے۔

متعلقہ پوسٹس

خار چھونے سے بھی ہاتھوں میں اُتر جائے گا

خطہُ شعر میں تہذیبوں کی

تم اچھے لگتے ہو

خاک اُڑتی ہے اس جہان میں کیا

بے سبب تجھ سے ہر اک بات پہ نالاں ہونا

مزاح نگاری کا پہلا سبق

گره کھلنے تک ( نظمیں )

کہانی لکھوں

یہ جو زہر ہے ترے قرب کا

جو وفادار نہیں ہو سکتا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔