مرکزی صفحہ اردو غزلیاتشب بخیر
اردو غزلیاتجون ایلیاشعر و شاعری

شب بخیر

جون ایلیا کی ایک غزل

از سائیٹ ایڈمن
از سائیٹ ایڈمن 0 تبصرے 944 مناظر

جاؤ قرار بے دلاں شام بخیر شب بخیر
صحن ہوا دھواں دھواں شام بخیر شب بخیر

شام وصال ہے قریب صبح کمال ہے قریب
پھر نہ رہیں گے سرگراں شام بخیر شب بخیر

وجد کرے گی زندگی جسم بہ جسم جاں بہ جاں
جسم بہ جسم جاں بہ جاں شام بخیر شب بخیر

اے مرے شوق کی امنگ میرے شباب کی ترنگ
تجھ پہ شفق کا سائباں شام بخیر شب بخیر

تو مری شاعری میں ہے رنگ طراز و گل فشاں
تیری بہار بے خزاں شام بخیر شب بخیر

تیرا خیال خواب خواب خلوت جاں کی آب و تاب
جسم جمیل و نوجواں شام بخیر شب بخیر

ہے مرا نام ارجمند تیرا حصار سر بلند
بانو شہر جسم و جاں شام بخیر شب بخیر

دید سے جان دید تک دل سے رخ امید تک
کوئی نہیں ہے درمیاں شام بخیر شب بخیر

ہو گئی دیر جاؤ تم مجھ کو گلے لگاؤ تم
تو مری جاں ہے میری جاں شام بخیر شب بخیر

شام بخیر شب بخیر موج شمیم پیرہن
تیری مہک رہے گی یاں شام بخیر شب بخیر

 

جون ایلیا

آپ کو یہ پسند ہو سکتا ہے۔

متعلقہ پوسٹس

سُکُوں دے کر یہ کیا مُشکل

اس نے جب ڈوبتے سورج کا اشارا دیا تھا

گھما لیا ترا کنگن بھی اور کلائی بھی

میں آئینہ ہوں وہ میرا خیال رکھتی تھی

ہوا کی دستک

اُن پہ ظاہر مرے ارماں کسی عنواں ہوتے

منزل کی خبر نہ رہگزر کی

جو رنگ ہاے رُخِ دوستاں سمجھتے تھے

دشت پر آب ہے کئی دن سے

شکل بھی ٹھیک ہے اور نام و نسب اچھا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔