مرکزی صفحہ اردو غزلیاتوہ ہر مقام سے پہلے وہ ہر مقام کے بعد
اردو غزلیاتشعر و شاعریقابل اجمیری

وہ ہر مقام سے پہلے وہ ہر مقام کے بعد

از فضّہ
از فضّہ 0 تبصرے 101 مناظر

وہ ہر مقام سے پہلے وہ ہر مقام کے بعد

سحر تھی شام سے پہلے سحر ہے شام کے بعد

ہر انقلاب مبارک ہر انقلاب عذاب

شکست جام سے پہلے شکست جام کے بعد

مجھی پہ اتنی توجہ مجھی سے اتنا گریز

مرے سلام سے پہلے مرے سلام کے بعد

چراغ بزم ستم ہیں ہمارا حال نہ پوچھ

جلے تھے شام سے پہلے بجھے ہیں شام کے بعد

یہ رات کچھ بھی نہیں تھی یہ رات سب کچھ ہے

طلوع جام سے پہلے طلوع جام کے بعد

وہی زباں وہی باتیں مگر ہے کتنا فرق

تمہارے نام سے پہلے تمہارے نام کے بعد

حیات گریۂ شبنم حیات رقص شرر

ترے پیام سے پہلے ترے پیام کے بعد

یہ طرز فکر یہ رنگ سخن کہاں قابلؔ

ترے کلام سے پہلے ترے کلام کے بعد

قابل اجمیری

آپ کو یہ پسند ہو سکتا ہے۔

متعلقہ پوسٹس

خواب یوں ہی نہیں ہوتے پورے

ہر بات سے باخبر رہی ہے

یہ جو زہر ہے ترے قرب کا

دل میں وہ درد تھا ہونٹوں پہ دعا پھیل گئی

چہل پہل ہے نہ تابندگی ہے گلیوں میں

ہزار خوف ہو لیکن زباں ہو دل کی رفیق

کون وہ گرد اڑاتا ہے

اظہار خود بخود کبھی انکار خود بخود

تمہیں اظہار کی جرات نہیں ہے

جاں کبھی دن سے کبھی رات سے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔