مرکزی صفحہ آپکا اردو باباصورت ِخواب کوئی مجھ سے بغل گیر ہوا
آپکا اردو بابااردو غزلیاتشازیہ اکبرشعر و شاعری

صورت ِخواب کوئی مجھ سے بغل گیر ہوا

از سائیٹ ایڈمن
از سائیٹ ایڈمن 0 تبصرے 30 مناظر

صورت ِخواب کوئی مجھ سے بغل گیر ہوا
پھر ہوا یوں کہ وہی حاصلِ تعبیر ہوا

رنگ کونپل کی طرح پھوٹتے دیکھا میں نے
پھر نمو پاتے ہوئے سبزہء تصویر ہوا

خشت در خشت بنے ہاتھ جو میرے بنیاد
تب کہیں جا کے محل عشق کا تعمیر ہوا

سادگی دیکھو ، اسے حاصلِ ہستی جانا
دستِ نادیدہ سے مضمون جو تحریر ہوا

ایک تنہائی مرے واسطے زندان ہوئی
ایک سناٹا مرے واسطے زنجیر ہوا

مجھ سے لکھوایا گیا خانہء اعمال مرا
پھر وہی معجزہء کاتبِ تقدیر ہوا

رات کا جسم سیہ شال میں جو لپٹا تھا
صبح ہوتے ہی وہی صورتِ تنویر ہوا

میں سمجھتی تھی محبت کا صحیفہ جس کو
اپنے عنوان کے برعکس وہ تفسیر ہوا

گمرہی پیروں سے باندھی ہوئی رسی تھی کوئی
جس کا ہر تارِ گماں باعثِ تاخیر ہوا

نام لیتا ہی نہیں شازیہ حل ہونے کا
مسئلہ عشق کا بھی قصہء کشمیر ہوا

شازیہ اکبر
آپ کو یہ پسند ہو سکتا ہے۔

متعلقہ پوسٹس

یاروں میں تو مشہور ہے

امیر لاکھ اِدھر سے اُدھر زمانہ ہوا

گھر لوٹتے ہیں جب بھی کوئی یار گنوا کر

بات کے بیچ بول اٹھتے ہو

ٹیڑھی ترازو

کارواں یا غبار کو دیکھا

یہ کہنا تو نہیں کافی

سچ کہوں خواب خواب ہے دنیا

مرتا ہےتو مرجائے , مددکیوں کرےکوئی

ترے حضور ہوں، فکر حیات ہے پھر بھی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔