سلام اردو ۔ نام ہی کتنا پیارا ہے

شہر اقبال کی یہ ادبی تنظیم ایک روایت بن چکی ہے۔ ڈاکٹر شیراز مسعود، شجاع شاذ، میاں سرمد اس کے روح رواں ہیں۔ ادبی تقاریب کے علاوہ سلام اردو ویب سائٹ پر بھی ان کا کام قابل قدر ہے۔
14 جنوری 2023 کو سیالکوٹ میں "سلام اردو 12 واں سالانہ مشاعرہ” منعقد ہوا۔ انتظامات دیدنی تھے۔
سیالکوٹ اور دوسرے شہروں سے منتخب شعرائے کرام نے عمدہ کلام سنایا۔ حاضرین سخن فہم تھے یوں مشاعرے کی فضا بنی رہی۔
صدارت : جناب ڈاکٹر وحید احمد
مہمانان خصوصی: شاہد ذکی، شہزاد نیر، عدنان سرمد، عمار اقبال
مہمانان اعزاز: افتخار شاہد، رفیق لودھی، علی کوثر ، ماہ نور رانا، اجالا کاظمی، حسیب بشر
نظامت: سعد ضیغم
مشاعرے کے بعد محفل موسیقی کا انتظام تھا جس میں اشبیل شاد اور نائلہ اشبیل نے وحید احمد، شاہد ذکی اور عمار اقبال کا کلام گا کے سنایا۔

شہزاد نیر