مرکزی صفحہ آپکا اردو باباپہاڑ کاٹتے دریاؤں کی روانی کو
آپکا اردو بابااردو غزلیاتشعر و شاعریصابر رضوی

پہاڑ کاٹتے دریاؤں کی روانی کو

از صابر رضوی
از صابر رضوی 0 تبصرے 125 مناظر

پہاڑ کاٹتے دریاؤں کی روانی کو
کہاں سے ڈھونڈ کے لاؤں میں نوجوانی کو

نشان مٹتے چلے جا رہے ہیں قبروں کے
میں لے کے بیٹھا ہوں اب تک تری نشانی کو

ارادہ باندھ رہا تھا میں تیرے گاؤں کا
امڈ کے آ گئے بادل بھی سائبانی کو

دعا کے بعد بھی جب مجھ کو گھر نہیں ملتا
میں سوچ لیتا ہوں پھر تیری لا مکانی کو

جہاں پہ شور نے لوگوں کے کان پھاڑے ہوں
وہاں پہ کون سنے پھول کی کہانی کو

میں دیوتاؤں کی بستی کا آخری گونگا
بیان کیسے کروں اس کی خوش بیانی کو

بچھڑ کے کس طرح جینا محال ہوتا ہے
یہ بات مچھلی بھلا کیا بتائے پانی کو

اذاں کا سوز بھی ان پہ اثر نہیں کرتا
جو لوگ جرم سمجھتے ہوں نغمہ خوانی کو

وہیں سے شعر کا شجرہ شروع ہوتا ہے
جہاں سے لفظ جنم دے نئے معانی کو

صابر رضوی

آپ کو یہ پسند ہو سکتا ہے۔

متعلقہ پوسٹس

میرا تو رب مہربان ہے

کوئی اک خوشی بھی نہ مل سکی

رہیے بغیر تیرے اے رشک ماہ تا چند

ڈیجیٹل معیشت اور فری لانسنگ

اک تجسس دل میں ہے

چراغ ہو کے لڑا ہوں ہواؤں سے تنہا

دنیا کی راویات سے

اگر قیامِ مسلسل میں وہ ستارا ہے

شکستہ خواب مرے آئینے میں رکھے ہیں

التماس

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔