مرکزی صفحہ اردو غزلیاتناکامی
اردو غزلیاتساحر لدھیانویشعر و شاعری

ناکامی

از فضّہ
از فضّہ 0 تبصرے 86 مناظر

ناکامی

میں نے ہر چند غمِ عشق کو کھونا چاہا
غمِ الفت غمِ دنیا میں سمونا چاہا

وہی افسانے مری سمت رواں ہیں اب تک
وہی شعلے مرے سینے میں نہاں ہیں اب تک

وہی بے سود خلش ہے مرے سینے میں ہنوز
وہی بیکار تمنائیں جواں ہیں‌اب تک

وہی گیسو مری راتوں پہ ہیں بکھرے بکھرے
وہی آنکھیں مری جانب نگراں ہیں اب تک

کثرتِ غم بھی مرے غم کا مداوا نہ ہوئی!
میرے بے چین خیالوں کو سکون مل نہ سکا

دل نے دنیا کے ہر اک درد کو اپنا تو لیا
مضمحل روح کو اندازِ جنوں مل نہ سکا

میری تخئیل کا شیرازۂ برہم ہے وہی
میرے بجھتے ہوئے احساس کا عالم ہے وہی

وہی بے جان ارادے وہی بے رنگ سوال
وہی بے روح کشاکش وہی بے چین خیال

آہ اس کشمکشِ صبح و مسا کا انجام
میں بھی ناکام مری سعی عمل بھی ناکام

ساحر لدھیانوی

آپ کو یہ پسند ہو سکتا ہے۔

متعلقہ پوسٹس

عشق گر ہاتھ چھڑائے تو چھڑانے دینا

یہ اکثر تلخ کامی

کیہڑا ہتھ نہیں جردا میں

سینوں میں تپش ہے کبھی شورش ہے سروں میں

چلن احساس کا ہے

حالات نے ذرا بھی سنورنے نہیں دیا

غم آفاق ہے رسوا غم دلبر بن کے

گلابی سورج

کوئی ان کی خبر نہیں آتی

نعت ﷺ مبارکہ برنگ آزاد نظم

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔