چلن احساس کا ہے

چلن احساس کا ہے کم تمہارے تھے تمہارے ہیں
ہمیں اس کا نہیں ہے غم تمہارے تھے تمہارے ہیں

وفا کی آخری حد پر تھے ہم دیکھا نہیں تم نے
تمہیں کہتے رہے ہمدم تمہارے تھے تمہارے ہیں

لکھا ہے آنکھ کے تل میں وفاؤں کے قلم سے جو
وہ ہی دل پر لکھا ہے ہم تمہارے تھے تمہارے ہیں

محبت کے حویلی پر ہوا آسیب کا قبضہ
ہوئیں آنکھیں ہماری نم تمہارے تھے تمہارے ہیں

نہیں ہے فکر دنیا کی نہ ہے غم زندگانی کا
مگن ہیں پیار میں ہر دم تمہارے تھے تمہارے ہیں

ذرا سا بھی نہیں سوچا ہمیں تنہا کیا تم نے
ہمارے ہاتھ میں پرچم تمہارے تھے تمہارے ہیں

گزاری زندگی ہم نے یہی تو شاز کہہ کہہ کر
یہ دل ہے یاد میں مدغم تمہارے تھے تمہارے ہیں

شاز ملک