45
دلکش لگیں جناب، بلوچی لباس میں
جیسے کھلے گلاب، بلوچی لباس میں
ہٹنے نہ پائے ان سے،مری مضطرب نگاہ
کرتے ہیں جب حجاب، بلوچی لباس میں
ایمان چھین لے گا،کسی کا بھی ان دنوں
چڑھتا ہوا شباب، بلوچی لباس میں
آئیں اگر وہ بام پہ،کہنے لگیں سبھی
نکلا ہے ماہتاب، بلوچی لباس میں
اس حسنِ کج ادا نے،مرے دل کا دوستو!
خانہ کِیا خراب، بلوچی لباس میں
ہر بار ہم نے ان سے،مظفر یہی کہا
ملتے رہیں جناب، بلوچی لباس میں
مظفرؔ ڈھاڈری
