مرکزی صفحہ اردو نظمدو وقتوں کی ایک نظم
اردو نظمایوب خاورشعر و شاعری

دو وقتوں کی ایک نظم

از سدرۃ المنتہیٰ
از سدرۃ المنتہیٰ 0 تبصرے 98 مناظر

محبت سے بھرا اِک دن
ترے دامن میں کھلنے کے لیے
میری سُبک انداز پلکوں پر اُترتا ہے
تری خوشبو میں گھلتا ہے
رگوں کی ڈوریوں میں باندھ کر مجھ کو
ترے حسنِ سخن انداز کی چوکھٹ پہ لاتا ہے
بہت آہستگی کے ساتھ
دل کی ایک دھڑکن کی طرح معدوم ہوتا ہے
محبت سے بھرا ہر دن
محبت سے تہی اِک دن
جو دشتِ جاں میں سوکھے زرد پتّے کی طرح سے آ کے گرتا ہے
رگوں کی ڈوریوں میں باندھ کر مجھ کو
ترے بے مہر حسنِ منجمد کے منحرف آئینہ خانے تک تو لاتا ہے
مگر پھر تیری بے مہری کے سانچے میں ڈھلے
برفاب لمحوں سے گزر کر بس ذرا سی دیر کو
اس دل کے سائے میں ٹھہرتا ہے
بہت آہستگی کے ساتھ
دل کی ایک دھڑکن کی طرح معدوم ہوتا ہے
محبت سے تہی ہر دن۔ ۔ ۔ ۔ ۔ ۔

ایوب خاور

آپ کو یہ پسند ہو سکتا ہے۔

متعلقہ پوسٹس

نہ کوئی ممنوعہ دانہ کھانا

زہر آلود ہے ہر سانس، نہیں لے سکتے

تو نے دیکھا ہے

بھلا پروانوں کا بھی کوئی وارث ہوتا ہے؟

غم کا باب وا ہوا

دشت دیکھے ہیں گلستاں دیکھے

بیٹیاں

کچھ لوگ جن کو فکرِ زیاں دے دیا گیا

سفر

میری آنکھوں میں سجا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔