مرکزی صفحہ آپکا اردو بابابے یقینی تبھی ہے وعدے پر
آپکا اردو بابااردو غزلیاتشعر و شاعری

بے یقینی تبھی ہے وعدے پر

از سائیٹ ایڈمن
از سائیٹ ایڈمن 0 تبصرے 81 مناظر

بے یقینی تبھی ہے وعدے پر
میرا ایماں نہیں ہے دھوکے پر

یوں معانی سمجھ اذیت کے
اک نظر ڈال مسخ چہرے پر

بدقماشوں کو فکر لاحق ہے
داغ کوئی نہیں دوپٹے پر

ٹوٹ بھی جائے گا تو ناچے گا
ترس آتا ہے اک کھلونے پر

یاد آئیگا، مسکراتے تھے
جب لکیریں پڑیں گی چہرے پر

تحفے میں بددعائیں بھیجوں گی
میں تجھے ہر خوشی کے موقعے پر

موت پر شعر لازمی کہنا
کام آتا ہے اپنے کتبے پر

گرچہ منزل کو چھو کے آئی ہوں
خوش نہیں واپسی کے رستے پر

بندشیں ڈوبنے ابھرنے کی
اتنی پابندیاں جزیرے پر

زندگی کچھ خفا خفا سی ہے
شاعری اوڑھنے بچھونے پر

خود کو کتنی تسلیاں دیں تھیں
جی اچانک اچاٹ ہونے پر

چاہے جتنا بھی ہو خفا مجھ سے
مسکرا دے گا، پھر سے ملنے پر

شہلا خان

آپ کو یہ پسند ہو سکتا ہے۔

متعلقہ پوسٹس

خواب تصویر کر رہا ہوں میں

نِگاہِ دِل سے جو دیکھا جمال پُھولوں کا

کیوں ہچکچا رہے ہیں

رہتا ہے مری تاک میں آزار کا موسم

اک بار پھر وطن میں

غم محرومئ جاوید کہاں باقی ہے

قریۂ جاں میں کوئی پھُول کھِلانے آئے

نیند کی شان بڑھائے تو مزہ آ جائے

کب مری حلقہِ وحشت سے رہائی ہوئی ہے

آنکھوں سے اپنی آصفؔ تو احتراز کرنا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔