مرکزی صفحہ آپ کا سلاماندھیری شب کی مسافت پہ
آپ کا سلاماردو غزلیاتشعر و شاعریمیثم علی آغا

اندھیری شب کی مسافت پہ

از میثم علی آغا
از میثم علی آغا 0 تبصرے 33 مناظر

اندھیری شب کی مسافت پہ جھولی بھر کے چراغ
نکل پڑا ہوں میں لے کر سبھی سفر کے چراغ

عجیب تیرہ شبی ہے یہ کم نہیں ہوتی
بدل کے دیکھ لئے ہیں اِدھر اُدھر کے چراغ

نہ جانے کیسے اُجاڑا ہے زندگی نے ہمیں
کہ دیکھ دیکھ کے روتے ہیں رہگزر کے چراغ

ہم ایسے بھی کوئی روشن مزاج لوگ نہیں
ہمارے بجھنے پہ روئیں گے کیا سحر کے چراغ

ہماری روشنیوں پر کوئی نگہ نہ پڑی
کسی شمار میں آئے نہیں کھنڈر کے چراغ

یہ کیسے گھور اندھیرے بدن میں پھیل گئے
کہ مجھ میں رونے لگے ہیں اتر اتر کے چراغ

کوئی گیا ہوا لوٹا بھی ہے کبھی میثم
یہ کس امید پہ جلتے ہیں بام و در کے چراغ

میثم علی آغا

آپ کو یہ پسند ہو سکتا ہے۔

متعلقہ پوسٹس

شادی کی خوشیوں کا سفر

پاکستان کی قوت اور عالمی وقار کا سفر

اگر مجھ سے محبت ہے

وقت بے وقت یہ پوشاک مری تاک میں ہے

ایسے چہروں سے پیار کرتے ہیں

نئی زمین نیا آسماں بنانا ہے

اب سنبھلنے کی مصیبت میں

یہاں سے چاروں طرف راستے نکلتے ہیں

محبتوں کی سفیر آنکھیں

قسم سے کتنا ڈری ہوئی تھی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔