مرکزی صفحہ اردو غزلیاتعدو کا ذکر نہیں دوستوں کا نام نہیں
اردو غزلیاتشعر و شاعریلیاقت علی عاصم

عدو کا ذکر نہیں دوستوں کا نام نہیں

از سائیٹ ایڈمن
از سائیٹ ایڈمن 0 تبصرے 73 مناظر

عدو کا ذکر نہیں دوستوں کا نام نہیں
زباں پہ آج کوئی حرفِ انتقام نہیں

در و دریچہ کے داغ و چراغ اپنی جگہ
مجھے جلا کے نہ گُزری تو شام شام نہیں

چلو ٹھہر نہیں سکتے گزر تو سکتے ہو
کہیں کہیں سے شکستہ ہے دل تمام نہیں

جسے پکارتے پھرتے ہیں کُو بہ کُو ہم لوگ
وہ ایک عہدِ تمنّا ہے صرف نام نہیں

یہ خاکدانِ تعلق ہے پیش و پس میں نہ جا
حصولِ آتش و آب و ہوا مدام نہیں

کئی بُجھے ہوئے سینوں کو آگ ہے درکار
زباں پہ نام تمھارا برائے نام نہیں

لیاقت علی عاصم

آپ کو یہ پسند ہو سکتا ہے۔

متعلقہ پوسٹس

اس کو جو کچھ بھی کہوں

غنچہ ہی وہ دہان ہے گویا

واں زیرکی پسند نہ ادراک چاہئے

کیا یا کام انہیں پرسشِ اربابِ وفا سے

منفرد سا کوئی پیدا وہ فن چاہتی ہے

اس کارگہ رنگ میں ہم تنگ نہیں کیا

ختم ہوتے نہیں سفر میرے

یہ تو لازم نہیں

چاند بھی نکلا، ستارے بھی برابر نکلے

دل پہ دار و مدار ہے اپنا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔