مرکزی صفحہ اردو غزلیاتحیرتوں کے سلسلے سوز نہاں تک آ گئے
اردو غزلیاتشعر و شاعریقابل اجمیری

حیرتوں کے سلسلے سوز نہاں تک آ گئے

از فضّہ
از فضّہ 0 تبصرے 64 مناظر

حیرتوں کے سلسلے سوز نہاں تک آ گئے

ہم نظر تک چاہتے تھے تم تو جاں تک آ گئے

نا مرادی اپنی قسمت گمرہی اپنا نصیب

کارواں کی خیر ہو ہم کارواں تک آ گئے

ان کی پلکوں پر ستارے اپنے ہونٹوں پہ ہنسی

قصۂ غم کہتے کہتے ہم کہاں تک آ گئے

زلف میں خوشبو نہ تھی یا رنگ عارض میں نہ تھا

آپ کس کی آرزو میں گلستاں تک آ گئے

رفتہ رفتہ رنگ لایا جذبۂ خاموش عشق

وہ تغافل کرتے کرتے امتحاں تک آ گئے

خود تمہیں چاک گریباں کا شعور آ جائے گا

تم وہاں تک آ تو جاؤ ہم جہاں تک آ گئے

آج قابلؔ مے کدے میں انقلاب آنے کو ہے

اہل دل اندیشۂ سود و زیاں تک آ گئے

 

قابل اجمیری

آپ کو یہ پسند ہو سکتا ہے۔

متعلقہ پوسٹس

عشق ادھورا

شہر سنسان ہے کدھر جائیں

اپنے وطن میں امن و اماں

اس قدر آنکھیں چھپاتا ہے

دور گردوں سے ہوئی کچھ اور میخانے کی طرح

انتظار

یا رب ہے بخش دینا بندے کو کام تیرا

یہ غم رہے نہ رہے غم نگاری رہ جائے

تو مری جان مرے دل ميں سمانا ،ہاں ناں

زمیں کھسکنے لگی

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔