تفہیماتِ کلیاتِ اقبال اردو (مطالب و شرح)
مفہم :حمیرا جمیل
صفحات:750
رابطہ نمبر:04237233585
ناشر:دعا پبلی کیشننز، لاہور
زیرِ نظر کتاب کی شارح بنیادی طور پر اقبالیات پر گہری نظر رکھتی ہیں اور اس حوالے سے انہوں نے قابلِ قدر کام کیا ہے. حمیرا جمیل نے اقبال شناسی کے موضوع پرگورنمنٹ کالج خواتین یونیورسٹی، سیالکوٹ سے ایم فل کی سند حاصل کی ہے. وہ اقبالیات پر مشتمل کتابوں کے علاوہ دیگر موضوعات پر بھی کتابیں لکھ چکی ہیں .
زیرِ نظر کتاب میں علامہ صاحب کے اُردو کلام کی شرح سادہ اور عام فہم اسلوب میں لکھنے کی کوشش کی گئ ہے. جس میں وہ کسی حد تک کامیاب بھی قرار پائی ہیں. سب سے اہم بات کہ حمیرا جمیل کو کلامِ اقبال اردو اور فارسی کی شرح لکھنے پر علامہ اقبال سٹمپ سوسائٹی، لاہور کی جانب سے پاکستان میں پہلی کم عمر خاتون شارح کے اعزاز سے بھی نوازا جاچکا ہے.مختلف ادوار میں مختلف ماہرین اقبال نے "شروح کلامِ اقبال” لکھ کر افکار اقبال سے شناسائی کا دائرہ وسیع کیا ہے اور یہ سلسلہ دورِحاضر میں بھی جاری ہے. پیش نظر اسی سلسلے کی ایک کڑی ہے. میں محترمہ کو مبارک باد پیش کرتا ہوں کہ اقبالیات کے ذیل میں ایک لائقِ تکریم کام انجام پا گیا. شرح کلامِ اقبال کو سمجھنے کے لیے یہ ایک بہترین شرح ہے جو اُردو کے شائقین اور علامہ اقبال کے پڑھنے والوں کے لیے ایک بیش بہا تحفہ ہے.تفہیماتِ کلیاتِ اقبال اُردو کا مقدمہ میاں ساجد علی نے لکھا ہے.
اسد جاوید، گوجرانوالہ
