مرکزی صفحہ اردو غزلیاتگئے موسم میں جو کھلتے تھے گلابوں کی طرح
اردو غزلیاتپروین شاکرشعر و شاعری

گئے موسم میں جو کھلتے تھے گلابوں کی طرح

پروین شاکر کی ایک اردو غزل

از سائیٹ ایڈمن
از سائیٹ ایڈمن 0 تبصرے 601 مناظر

گئے موسم میں جو کھلتے تھے گلابوں کی طرح
دل پہ اتریں گے وہی خواب عذابوں کی طرح

راکھ کے ڈھیر پہ اب رات بسر کرنی ہے
جل چکے ہیں مرے خیمے مرے خوابوں کی طرح

ساعت دید کہ عارض ہیں گلابی اب تک
اولیں لمحوں کے گلنار حجابوں کی طرح

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح

غیر ممکن ہے ترے گھر کے گلابوں کا شمار
میرے رستے ہوئے زخموں کے حسابوں کی طرح

یاد تو ہوں گی وہ باتیں تجھے اب بھی لیکن
شیلف میں رکھی ہوئی بند کتابوں کی طرح

کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح

شوخ ہو جاتی ہے اب بھی تری آنکھوں کی چمک
گاہے گاہے ترے دلچسپ جوابوں کی طرح

ہجر کی شب مری تنہائی پہ دستک دے گی
تیری خوش بو مرے کھوئے ہوئے خوابوں کی طرح

آپ کو یہ پسند ہو سکتا ہے۔

متعلقہ پوسٹس

اَب کہاں غم شناس ہے میرا

پھول، خوشبو، دھنک ،ستارے سب

کوئی سمجھے تجھے نا مہرباں کیوں

نظر سے نم نہ گیا

کیا بتاوں میں کدھر جاتا ہوں روز

اس بار اس کے ہجرکا شکوہ نہیں کیا

شام کا سحر

تاروں کی چلمنوں سے کوئی

کسی کے پاس کوئی دوسری مثال نہیں

شکل بھی ٹھیک ہے اور نام و نسب اچھا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔