مرکزی صفحہ اردو غزلیاتدل کے مٹنے لگے نشاں دیکھو
اردو غزلیاتباقی صدیقیشعر و شاعری

دل کے مٹنے لگے نشاں دیکھو

از مہر کنزیٰ
از مہر کنزیٰ 0 تبصرے 43 مناظر

دل کے مٹنے لگے نشاں دیکھو
سود دیکھا ہے اب زیاں دیکھو

ہر کلی سے لہو ٹپکنے لگا
شوق تعمیر گلستاں دیکھو

بار صیاد ہے کہ بار ثمر
جھک گئی شاخ آشیاں دیکھو

دل کا انجام ایک قطرہ خوں
حاصل بحر بیکراں دیکھو

سائے کرنوں کے ساتھ چلتے ہیں
صبح میں شام کا سماں دیکھو

داغ آئینہ بن گئے فرسنگ
سفر شوق کے نشاں دیکھو

پڑ گئی سرد آتش احساس
جم گیا خون عاشقاں دیکھو

لو دلوں کی حدیں سمٹنے لگیں
تنگ ہے کس قدر جہاں دیکھو

تم بھی کہنے لگے خدا لگتی
لڑکھڑانے لگی زباں دیکھو

دل کا ہر زخم ہے زباں اپنی
اس پہ یہ حسرت بیاں دیکھو

آگ سے کھیلتے ہو کیوں باقیؔ
اپنا دل دیکھو اپنی جاں دیکھو

باقی صدیقی

آپ کو یہ پسند ہو سکتا ہے۔

متعلقہ پوسٹس

ریا کاریوں سے مسلح یہ لشکر مجھے مار دیں گے

یہ تو نہیں کہ ہم نے رستہ چھوڑ دیا ہے

چاک کر سینہ دل میں پھینک دیا

کیا تھا ترکِ محبت کا تجربہ میں نے

دلّی کی ایک نظم

بس کہ نکلی نہ کوئی جی کی ہوس

اسے دل سے بھلا دینا ضروری ہو گیا ہے

ہمراہی

اتنا سامان تو گٹھڑی میں نہیں آئے گا

کرنوں کے قدم

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔