مرکزی صفحہ انور مسعودبجٹ میں نے دیکھے ہیں سارے ترے
انور مسعودشعر و شاعریمزاحیہ شاعری

بجٹ میں نے دیکھے ہیں سارے ترے

از سائیٹ ایڈمن
از سائیٹ ایڈمن 0 تبصرے 72 مناظر

بجٹ میں نے دیکھے ہیں سارے ترے
انوکھے انوکھے خسارے ترے

اللے تللے ادھارے ترے
بھلا کون قرضے اتارے ترے

گرانی کی سوغات حاصل مرا
محاصل ترے گوشوارے ترے

مشیروں کا جمگھٹ سلامت رہے
بہت کام جس نے سنوارے ترے

مری سادہ لوحی سمجھتی نہیں
حسابی کتابی اشارے ترے

کئی اصطلاحوں میں گوندھے ہوئے
کنائے ترے استعارے ترے

تو اربوں کی کھربوں کی باتیں کرے
عدد کون اتنے شمارے ترے

تجھے کچھ غریبوں کی پروا نہیں
وڈیرے ہیں پیارے دلارے ترے

ادھر سے لیا کچھ ادھر سے لیا
یونہی چل رہے ہیں ادارے ترے

انور مسعود

آپ کو یہ پسند ہو سکتا ہے۔

متعلقہ پوسٹس

خواب کے پہلے جھونکے سے

سکوت شام میں گونجی صدا اداسی کی

تشنہ لبی میں گزری ہے یہ زندگی بہت

دل پہ دستک عجب گزرتی ہے

موسم بھی نیا اب کے ٹھکانے بھی نئے ہیں

جو عام سا اک سوال پوچھا تو کیا کہیں گے

کوئی کلی ہے نہ غنچہ نہ گل

مرے خدا کسی صورت اسے ملا مجھ سے

نے ہوں چمن کا مائل

وابستگاں کی کوئی نشانی نہیں ملے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔