مرکزی صفحہ اردو غزلیاتہے گرم ملکوں کا سورج ترے جلال کی گرد
اردو غزلیاتخاطر غزنویشعر و شاعری

ہے گرم ملکوں کا سورج ترے جلال کی گرد

از سائیٹ ایڈمن
از سائیٹ ایڈمن 0 تبصرے 80 مناظر

ہے گرم ملکوں کا سورج ترے جلال کی گرد
غرور کاہکشاں ہے ترے جمال کی گرد

محبتوں کے خرابوں میں دھوپ کم نکلی
کبھی جدائی کے کہرے کبھی ملال کی گرد

کبھی تو گزرے ادھر سے بھی کاروان بہار
کبھی تو پہنچے یہاں بھی ترے خیال کی گرد

ہمارے بالوں پہ موسم ہے برف باری کا
ہمارے چہرے پہ اڑتی ہے ماہ و سال کی گرد

تمام عالم امکاں ہے اک خیال میں گم
نہ پا سکے گا زمانہ کبھی خیال کی گرد

خاطر غزنوی

آپ کو یہ پسند ہو سکتا ہے۔

متعلقہ پوسٹس

جِس نے مِرے دِل کو درد دِیا

جگرکےخوں سے ہی لےکے

ہر اک ادا عقل سے

ہو کے پارہ لہو میں ڈوب گیا

ہوا چلی تو بے کلی

محبّت ایسی عبادت کسک پہ ختم ہوئی

اے حُسنِ لازوال، تِرے غم نے کر دیا

تم حقیقت نہیں ہو حسرت ہو

میں سوکھا پیڑ اور اس کی ہری بھری باتیں

ٹاور آف سائیلنس

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔