مرکزی صفحہ اردو غزلیاتسب حوصلہ جو صرف ہوا جورِ یار کا
اردو غزلیاتشعر و شاعریمصطفٰی خان شیفتہ

سب حوصلہ جو صرف ہوا جورِ یار کا

مصطفیٰ خان شیفتہ کی ایک اردو غزل

از سائیٹ ایڈمن
از سائیٹ ایڈمن 0 تبصرے 488 مناظر

سب حوصلہ جو صرف ہوا جورِ یار کا
مجھ پر گلہ رہا ستمِ روزگار کا

تھا کیا ہجوم بہرِ زیارت ہزار کا
گل ہو گیا چراغ ہمارے مزار کا

جور و جفا بھی غیر پر اے یارِ دل شکن
کچھ بھی خیال ہے دلِ امیدوار کا

کھلنے لگے ہیں از سرِ نو غنچہائے زخم
یہ فیض ہے صبا کے دمِ مشک بار کا

گر چاہتے ہو جامہ نہ ہو چاک ناصحو
منگوا دو پیرہن مجھے اس گل عذار کا

ہر کوچہ میں کھلی ہے جو دکانِ مے فروش
کیا فصل ہے شراب کی، موسم بہار کا؟

گھبرا کے اور غیر کے پہلو سے لگ گئے
دیکھا اثر یہ نالۂ بے اختیار کا

وہ آتے آتے غیر کے کہنے سے تھم گئے
اب کیا کروں علاج دلِ بے قرار کا

آزاد ہے عذابِ دو عالم سے شیفتہ
جو ہے اسیر سلسلۂ تاب دار کا!

مصطفیٰ خان شیفتہ

آپ کو یہ پسند ہو سکتا ہے۔

متعلقہ پوسٹس

ترے سوا کسی سے رابطہ نہیں سائیں

حریف

کوئی وظیفہ مجھے بھی بتا، مِرے درویش

خیالی زخم نہ مرہم سے

عاشق تھے مگرصاحبِ دستار

تمہارے ہوتے ہوئے جاں مری کو آیا دکھ

کوئی بھی نہ دیوار پر سے پکارے

مدت تو وا ہوا ہی نہ یہ غنچہ وار دل

سرِ صحرا مسافر کو ستارہ یاد رہتا ہے

وہ پیرہن جان میں جاں حجلۂ تن میں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔