مرکزی صفحہ آپ کا سلامذوق ِ منزل نے مٹایا ہے رسائی کا دکھ
آپ کا سلاماردو غزلیاتروبینہ صدیق رانیشعر و شاعری

ذوق ِ منزل نے مٹایا ہے رسائی کا دکھ

از روبینہ صدیق رانی
از روبینہ صدیق رانی 0 تبصرے 43 مناظر

ذوق ِ منزل نے مٹایا ہے رسائی کا دکھ
آگیا راس مجھے آبلہ پائی کا دکھ

مول کنگن کا کسی بیوہ سے پوچھو تو سہی
تم کو بتلاۓ گی وہ سونی کلائی کا دکھ

ہم گنہگارِ محبت تھے سزا کے قائل
اس پہ لاحق دلِ وحشی کی دہائی کا دکھ

ہاتھ پھیلائے دعا گو ہے اسی دکھ میں ماں
دل سے ہو دور مرے دست حنائی کا دکھ

زلف سلجھاتے ہوۓ خود سے الجھ پڑتی ہوں
یاد جب آۓ تری نغمہ سرائی کا دکھ

کب تلک اوروں کی خاطر میں بہاؤں آنسو
مجھ سے اٹھتا نہیں اب زیست پرائی کا دکھ

بزم راس آتی نہیں اور مجھے خلوت میں
کاٹ کھاتا ہے فقط زخمِ جدائی کا دکھ

رانی اس واسطے آزادی کو ٹھکرایا ہے
ایک پنجرے کو نہ ہو میری رہائی کا دکھ

روبینہ صدیق رانی

آپ کو یہ پسند ہو سکتا ہے۔

متعلقہ پوسٹس

ڈوب کر نبض ابھر آئی ہے

روشنی پر کبھی بہاروں پر

اپنی حالت کا مجھے دھیان

آپ کی یا جہاں کی بات کریں

دعویٰ تو ہے اسے بھی

دست دعا کو کاسۂ سائل

سو خونچکاں گلے ہیں لب سے مری زباں تک

عارض روشن پہ جب زلفیں پریشاں ہو گئیں

سورۃ الملک: مالک ہونے کا وہم

راحت جاں سے تو یہ دل کا وبال اچھا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔