مرکزی صفحہ اردو غزلیاتیوں سرِ شام تری یاد میں آنسو نکل آئے
اردو غزلیاتایوب خاورشعر و شاعری

یوں سرِ شام تری یاد میں آنسو نکل آئے

از سدرۃ المنتہیٰ
از سدرۃ المنتہیٰ 0 تبصرے 60 مناظر

یوں سرِ شام تری یاد میں آنسو نکل آئے
جس طرح وادیِ پُر خار میں آہو نکل آئے

ہاتھ میں ہاتھ لیے تیرے خد و خال کے ساتھ
جانے کب آئینۂ جاں سے لبِ جُو نکل آئے

دِل کی چوکھٹ سے لگا بیٹھا ہے تنہائی کا چاند
اور اچانک کسی جانب سے اگر تُو نکل آئے

برف کے ریزوں کی صورت جو نظر آتے ہیں داغ
یہ ترے ہجر کے دُکھ ہیں جو سرِ مُو نکل آئے

وہ جو بے شاخ شجر تھے ترے رستے کا غبار
تُو نظر آیا تو ہر ایک کے بازو نکل آئے

تُو نہیں تھا تو یہ دل اپنی جگہ تھا کسی طور
تُو ملا ہے تو کئی ضبط کے پہلو نکل آئے

خاور اُس شخص کی اک اور صفت بھی ہے عجیب
جس کو چھو جائے اُسی سنگ سے خوشبو نکل آئے

ایوب خاور 

آپ کو یہ پسند ہو سکتا ہے۔

متعلقہ پوسٹس

چاند بھی نکلا، ستارے بھی برابر نکلے

عجیب بات یہ ہوئی کہ ساتھ بھی نہیں رہے

ﭼﻠﻮ ﺍﭼﮭﺎ ﮐﯿﺎ ﺗﻢ ﻧﮯ

نہیں تبخال لعل دلربا میں

بند کمرے میں کوئی میرے

چاند کا ٹکڑا آن کدھر سے نکلا ہے

اپنے پہلو سے وہ غیروں کو اٹھا ہی نہ سکے

بدن سے باطن تک

یوں اترانا بھی تیرا

پیار جو اک حسین سپنا تھا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔