یہی زندگی حقیقت یہی زندگی فسانہ

میں زندگی گزارنا نہیں۔۔۔۔ زندگی جینا جانتی ہوں ۔ میری زندگی کا ہر لمحہ زندگی سے بھرپور ہے ۔۔۔ ہر پل ہر ساعت رعنائی سے مزین ہے ۔ کیونکہ میرا خیال حیات آفریں ہے ۔ میں اپنے اصل کی کھوج میں ایسے محو ہوں کہ میرا ہر پل زندگی آمیز ہے ۔ دنیا و مافیہا سے بے خبر روحانی لمحوں میں جب آسمانی روشنی کی روپہلی کرنیں میرے گرد و پیش کو دھندلا دیتی ہیں ۔۔ ایسے میں روشنی یا اندھیرا میرے لیے بے معنی ہو جاتا ہے ۔