مرکزی صفحہ آپکا اردو باباتاروں کے سائے سائے
آپکا اردو بابااردو غزلیاتشعر و شاعری

تاروں کے سائے سائے

از سلمان ثروت
از سلمان ثروت 0 تبصرے 107 مناظر

تاروں کے سائے سائے بہت دور جائیں گے
شاید کہ آسماں کے مضافات آئیں گے

الفاظ پر طلسمِ خیالات پھونکیے
اشعار اپنے آپ ہی جادو جگائیں گے

جاگو تو ہاتھ آتی ہیں خوابوں کی کترنیں
ہم خواب جوڑ جوڑ کے رلی بنائیں گے

اٌلٹے قدم چلیں گے زمانے کی راہ پر
گزرے ہوؤں کا نام و نشاں ڈھونڈ لائیں گے

بنتے بگڑتے رہتے ہیں آواز کے نقوش
لہروں کے اِرتعاش سے یہ جھلملائیں گے

فرشِ توہمات میں کھودیں گے اک سرنگ
اس راستے سے کوئے اساطیر جائیں گے

دنیا میں زندگی کا ہے سرکس لگا ہوا
ہم سب تماشبین ہیں کرتب دکھائیں گے

رقصاں رہیں گی سامنے تاعمر خواہشیں
اِن اپسراؤں کو کبھی ہم چھو نہ پائیں گے

ایسی غزل ہوئی ہے کہ چکرا گئے خیال
سلمان بن پیے بھی ذرا ڈگمگائیں گے

سلمان ثروت

آپ کو یہ پسند ہو سکتا ہے۔

متعلقہ پوسٹس

از روۓ زمیں اور نہ افلاک سے نکلے

کٹ رہی ہے زندگی درد کا سماں لیے

جیسے کسی کی بات میں

مرد ہو، عشق سے جہاد کرو

یا رب نگاہ بد سے چمن کو بچائیو

ستایش گر ہے زاہد، اس قدر جس باغِ رضواں کا

کھوٹے سکے یا کھرے اعمال

وہ جنت جو ظلم کے سائے میں دب گئی

من موجی ہے ایک ڈگر میں رہتا ہے

ویسے تو زندگی میں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔