مرکزی صفحہ اردو غزلیاتتارے جو کبھی اشک فشانی
اردو غزلیاتسلیم کوثرشعر و شاعری

تارے جو کبھی اشک فشانی

سلیم کوثر کی ایک اردو غزل

از سائیٹ ایڈمن
از سائیٹ ایڈمن 0 تبصرے 378 مناظر

تارے جو کبھی اشک فشانی سے نکلتے

ہم چاند اٹھائے ہوئے پانی سے نکلتے

خاموش سہی مرکزی کردار تو ہم تھے

پھر کیسے بھلا تیری کہانی سے نکلتے

مہلت ہی نہ دی گردش افلاک نے ہم کو

کیا سلسلۂ نقل مکانی سے نکلتے

اک عمر لگی تیری کشادہ نظری میں

اس تنگئ داماں کو گرانی سے نکلتے

بس ایک ہی موسم کا تسلسل ہے یہ دنیا

کیا ہجر زدہ خواب جوانی سے نکلتے

وہ وقت بھی گزرا ہے کہ دیکھا نہیں تم نے

صحراؤں کو دریا کی روانی سے نکلتے

شاید کہ سلیمؔ امن کی صورت نظر آتی

ہم لوگ اگر شعلہ بیانی سے نکلتے

 

سلیم کوثر

آپ کو یہ پسند ہو سکتا ہے۔

متعلقہ پوسٹس

ایک تصویر کہ اوّل نہیں دیکھی جاتی

بے نشان

خدا

ہم ایک دن نکل آئے تھے

سنگ جب آئینہ دکھاتا ہے

ہمیشہ دیر کر دیتا ہوں

روشنی کے لیے گھر جلاٸیں گے ہم

سمجھ رہا تھا میں یہ دن گزرنے والا نہیں

دل دفعتہ جنوں کا مہیا سا ہو گیا

بوئے خوں آتی ہے پیمانے سے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔