مرکزی صفحہ اردو غزلیاتہر وقت فکرِ مرگِ غریبانہ چاہیے
اردو غزلیاتشعر و شاعریمجید امجد

ہر وقت فکرِ مرگِ غریبانہ چاہیے

مجید امجد کی اردو غزل

از روبی جہاں
از روبی جہاں 0 تبصرے 540 مناظر

ہر وقت فکرِ مرگِ غریبانہ چاہیے
صحّت کا ایک پہلو مریضانہ چاہیے

دنیائے بے طریق میں جس سمت بھی چلو
رستے میں اک سلامِ رفیقانہ چاہیے

آنکھوں میں امڈے روح کی نزدیکیوں کے ساتھ
ایسا بھی ایک دور کا یارانہ چاہیے

کیا پستیوں کی ذلتیں، کیا عظمتوں کے فوز
اپنے لیے عذاب جداگانہ چاہیے

اب دردِ شش بھی سانس کی کوشش میں ہے شریک
اب کیا ہو، اب تو نیند کو آ جانا چاہیے

روشن ترائیوں سے اترتی ہوا میں آج
دو چار گام لغزشِ مستانہ چاہیے

امجد ان اشکبار زمانوں کے واسطے
اک ساعتِ بہار کا نذرانہ چاہیے

 

مجید امجد

آپ کو یہ پسند ہو سکتا ہے۔

متعلقہ پوسٹس

تم نے جو عہد کئے تھے وہ سبھی توڑے ہیں

بیمار شخص کا بھی بھلا کیا وجود ہے

یہ تری زلف کا کنڈل تو مجھے مار چلا

محبت کا کوئی اشارہ

شبِ آرزو

جنون و عشق کے رستے بحال کرتی ہے

سب اختیار اس کاہے ، کم اختیار میں

گھر برسنے لگے ہیں بارش میں

موڑ موڑ گھبرایا گام گام دہلا میں

کسی دن آؤ

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔