مرکزی صفحہ اردو نظمریلوے اسٹیشن پر
اردو نظمشعر و شاعریمجید امجد

ریلوے اسٹیشن پر

ایک اردو نظم از مجید امجد

از روبی جہاں
از روبی جہاں 0 تبصرے 477 مناظر

آہنی ، سبز رنگ ، جنگلے کے پاس
باتوں باتوں میں ایک برگِ عقیق
تو نے جب توڑ کر مسل ڈالا
مجھے احساس بھی نہ تھا کہ یہی
جاوداں لمحہ ، شاخِ دوراں سے
جھڑ کے ، اک عمر ، میری دنیا پر
اپنی کملاہٹیں بکھیرے گا
اسی برگِ دریدہ جاں کی طرح

آج بھی اس دہکتی پٹڑی پر
گھومتے گھنگھناتے پہیوں کو
سیٹیوں کی دھواں اگلتی صدا
جب پیامِ رحیل دیتی ہے
روز سو سنگتیں اجڑتی ہیں
لاکھ سنجوگ مسکراتے ہیں

آج بھی ریلوے سٹیشن پر
آہنی ، سبز رنگ جنگلے کے پاس
قدِ آدم ، عقیق کے ، پودے
تھام کر سرخ دھاریوں والے
زرد پھولوں کے موہنے گجرے
بھری دنیا کے جمگھٹوں میں کھڑے
گوشت اور پوست کے وہ پیکر ہیں
اک زمانے سے جن کی زندگیاں
لوٹ کر پھر نہ آنے والوں کی
منتظر منتظر چراغ بکف
وقت کے جھکڑوں سے کھیلتی ہیں
اسی برگِ دریدہ جاں کی طرح

 

اگست 1959ء

مجید امجد

آپ کو یہ پسند ہو سکتا ہے۔

متعلقہ پوسٹس

ہم کو جہانِ شوق کا منظر

محبت میں یہ کیا مقام آ رہے ہیں

اگر تم کو گوارا ہو !

بازیافت

عہد طفلی

مری آنکھوں میں کوئی اشک اتارا جائے

دل کو لکھوں ہوں آہ وہ کیا مدعا لکھوں

مسلسل زلزلے ہیں چشمِ نم میں

میرے دل میں شور تیرا جب سے ہے

پُرسِش کو مری کون مرے گھر نہیں آتا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔