مرکزی صفحہ اردو غزلیاتپھر وہ گم گشتہ حوالے مجھے واپس کر دے
اردو غزلیاتخورشید رضویشعر و شاعری

پھر وہ گم گشتہ حوالے مجھے واپس کر دے

از سائیٹ ایڈمن
از سائیٹ ایڈمن 0 تبصرے 92 مناظر

پھر وہ گم گشتہ حوالے مجھے واپس کر دے

وہ شب و روز وہ رشتے مجھے واپس کر دے

آنکھ سے دل نے کہا رنگ جہاں شوق سے دیکھ

میرے دیکھے ہوئے سپنے مجھے واپس کر دے

میں تجھے دوں تری پانی کی لکھی تحریریں

تو وہ خوں ناب نوشتے مجھے واپس کر دے

میں شب و روز کا حاصل اسے لوٹا دوں گا

وقت اگر میرے کھلونے مجھے واپس کر دے

مجھ سے لے لے صدف و گوہر و مرجاں کا حساب

اور وہ غرقاب سفینے مجھے واپس کر دے

نسخۂ مرہم اکسیر بتانے والے

تو مرا زخم تو پہلے مجھے واپس کر دے

ہاتھ پر خاکۂ تقدیر بنانے والے

یوں تہی دست نہ در سے مجھے واپس کر دے

آسماں صبح کے آثار سے پہلے پہلے

میری قسمت کے ستارے مجھے واپس کر دے

میں تری عمر گزشتہ کی صدا ہوں خورشیدؔ

اپنے ناکام ارادے مجھے واپس کر دے

خورشید رضوی

آپ کو یہ پسند ہو سکتا ہے۔

متعلقہ پوسٹس

دشت یاد آیا کہ گھر یاد آیا

ٹوٹا ہوا ہے جتنا بَھلے ، لگ نہیں رہا

ایک مشکل سوال

دیکھا تھا ایک دن اسے

فیصلہ تو کرنا ہے

کبوتروں کو اڑاتا ھوں

کہہ رہی ہیں حضور کی باتیں

زمیں ہے مری آسمانی نہیں ہوں

یوں کب ہوا ہے پیارے پاس اپنے تم بلالو

آنکھ رکھتے ہوئے توہین

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔