مرکزی صفحہ اردو غزلیاتپھر جدائی، پھر جئے، پھر مر چلے
اردو غزلیاتشعر و شاعریعدیم ہاشمی

پھر جدائی، پھر جئے، پھر مر چلے

از سدرۃ المنتہیٰ
از سدرۃ المنتہیٰ 0 تبصرے 98 مناظر

پھر جدائی، پھر جئے، پھر مر چلے
ہم بھی کیا کیا منزلیں سر کر چلے

دامنِ ملبوس خالی کر چلے
لیکن اپنے دل کی جھولی بھر چلے

بڑھ رہی ہیں خواہشیں دل کی طرف
جیسے حملے کے لیے لشکر چلے

انتظار اور انتظار اور انتظار
کیسے کیسے مرحلے سر کر چلے

زندگی ساری گزاری اس طرح
جس طرح رسی پہ بازی گر چلے

وہ مَسل دے یا اٹھا کر چوم لے
پھول اس دہلیز پر ہم دھر چلے

ہے کوئی ایسا مرے جیسا عدیم
اپنے دل کو مار کر ٹھوکر چلے

چال اس کی موچ سے بدلی عدیم
سب حسیں ہلکا سا لنگڑا کر چلے

تند خُو کا وہ رویہ تھا عدیم
دل پہ جیسے کند سا خنجر چلے

عدیم ہاشمی

آپ کو یہ پسند ہو سکتا ہے۔

متعلقہ پوسٹس

دل میں اترے نہ اداسی سے بھری کہلائے

ایسا لگتا تھا کچھ خفا سا تھا

گو مرا نالہ حزیں ہے آہ میری ناتواں

اسی طرح کی محبت، اسی طرح کے دکھ

دن کچھ ایسے گذارتا ہے کوئی

دل مایوس میں وہ شورشیں برپا نہیں ہوتیں

نہ مائل آرسی کا رہ سراپا درد ہو گا تو

مری آبائی تلواروں کے دستے بیچ ڈالے ہیں

مِل کے رویا اداس شاموں سے

رنگ خاکے میں جو بھرا میں نے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔